PUISI BALI

 SARASWATI

Olih:

I Kade Angga Kukuh Stiawan

Pendidikan Bahasa Bali

Universitas Pendidikan Ganesha

Swadarmaning agama

Majalaran antuk bakti

Mayadnya antuk Sradha

Duh…. Sang Hyang Aji Saraswati

Icen titiang ilmu maaji

Ring katambetan puniki

Mangda prasida ngulati

Ngruruh ilmu suci

Saniscara umanis watugunung

Manangkil ngaturang bakti

Nunas tirta sanjiwani

Ngardi suci kapradnyan

Om Sarasvati namas tubhyam

Varade kama rupini siddhirambha karisyami

Siddhir bhantu me sada.

NAENANG KENEH

Rasa sepi sing maarti

Rasa mategul tanpa tali

Naenang duka lara pati

Ngardi kosek ring hati

Padidi tanpa aji

Sami tan mabukti

Lempas kapining janji

Duh… Hyang Paramakawi

Dosa napi puniki

Rasa mabalik kuri

Tresna tiwas puniki

Dekil……. Daki…….. menyi

Nguda lalis……

Nguda gelis…..

Telas sampun tangis

Sakit keneh jengis.