RERAMA
olih:
Angga Kukuh Stiawan
kadi toyane membah ring telaga
tan surut rasa tresna
kadi paksi ring ambara
titiang nyaksiang pemargin rerama
ngliling toya ring panyingakan
nyandang duka kahuripan
ngwetuang manah sungkan
ngrereh merta ring pakaryan
Meme....
tan marawat ring mata
rikala baya katampi
rasa naanang lara
ring ati tatkala mangipi
Bapa.....
paketeltel makudang peluh
pakaryan sampun karuruh
sami sampun kajujuh
ipun sesanan damuh
rerama...
wastanin titiang Guru Rupaka
suksma titiang kareka
dados jadma maguna
mogi bagia ring mercapada
Tidak ada komentar:
Posting Komentar