PUPUH KAWITAN WARGA SARI
a. Purwakaning angripta
Rumning wana wukir
Kahadang labuh
Kartika panedenging sari
Angayon tanguli ketur
Angringring jangga mure
b. Sukanya arja winangun
Winarna sari
Rumrumning puspa priyaka
Ingoling tangi
Sampuning riris sumahura
e. Ring Bale emase paum
Linggih Ida Bhatarane
Bale emas ngranyab murub
Upacara sarwa lewih
Leluhure sutra putih
Ida Bhatara mabawos
Bawose di luhur
Ida pacang turun gelis
PUPUH WARGA SARI
c. Ida ratu saking luhur
Kawula nunas lugrane
Mangda sampun titiang tandruh
Mangayat Bhatara mangkin
Titiang ngaturang pejati
Canang suci mwah daksina
Sarwa sampun puput
Pratingkahing saji
d. Asep menyan majegau
Cendana nuhur Dewane
Mangda Ida gelis rawuh
Tedun saking luhuring langit
Sampun madabdaban sami
Maring giri meru reko
Ancangan sadulur
Sami pada ngiring
PUPUH WARGA SARI
a. Turun trita saking luhur
Manyiratang pemangkune
Makalangan muncrat mumbul
Mapan tirta amerta jati
Paican Bhatara mangkin
Panyupatan dasa mala
Sami pada lebur
Malane ring bumi.
PUPUH WARGA SARI
b. Maketis ping tiga sampun
Pabahan siwa dwarane
Wasuhane raris inem
Ping tiga lantas masugi
Ring waktra magentos genti
Toyo amertha Hyang Widhine
Sami sampun puput
Mangalangin hati.
Pupuh
semarandana
a.Sahuwus titiang ngebakti
Wasuh pada lungsur titiang
Masarengan ring bijane
Sida ngardi tutug yusa
Sarwa roga sinampuhan
Pangicalang leteh-letuh
Jagat bumi kerahajengan.
b.Artin bija kukuh eling
Slaning lelata genahang
Ngardi suci laksanane
Genahang ring mule kanta
Ngardi suci jeroning bawos
Raris ajeng pinih ungkur
Ngardi suci Jeroning manah.
c.Singgih ratu Sang Hyang Widhi
Cingak pangubaktin titiang
Titiang panjak i ratune
Ayat mengaturang sembah
Nora tama sarananya
Msrana antuk santun
Ledang ugi ngampurayang.
Pupuh
semarandana
d.Kotaman tirtane suci
Pangleburan dasa mala
Tanpa rawat wigunane
Ngardi landuh jagat raya
Salunglung sabayantaka
Lanturannya lara gempung
Dalih tampolo kasadian.
PUPUH GINADA
Rawos ngawe nemu
suka
Rawos ngawe nemu
pati
Rawos ngawe nemu
duka
Rawos ngawe
mitra pangguh
Sang tatas ring
gunan sabda
Bawos apik
Tan maren
manudut manah
PUPUH MASKUMAMBANG
Tan suputra yan
rerehang pangumpami
Tan pendah cendana
Ring tengahing
alas rawit
Miik ngalub
ngardi suka
PUPUH SINOM
Titiang jadma
sunantara
Nista lacur
manumadi
Melarapan suka
legawa
Catur bekel titiang
pasti
Suka duka lara
pati
Nika wantah titiang
tikul
Titiang mewasta I
Tam-Tam
Nyadia titian tangkil
mangkin
Ring sang ayu
Sane telas tunas
titiang
PUPUH DURMA
1. Pêlajahin cai maningkahang awak,
mamunyi pêlajahin,
ngadu sasêbêngan,
sêmu
wulaté nyênyêrang,
kêmikan bibihé manis,
anggon
mangalap,
trêsnan anaké ring cai.
2. Da mamotoh mamadat mangutang-ngutang,
makadi daya lêngit,
solah
apang mêlah,
mabanjar mapisaga,
êda mangulah piranti,
apang lascarya,
astiti bakti ring Widi.
PUPUH GINANTI
saking tuhu manah guru
mituturin cening jani
kaweruh luir sanjata
ne dadi prabotang sai
kaangen ngaruruh merta
saenun ceninge urip
